Сағлам һайат - Healthy life
You were made to live a healthy life
Сіз салауатты өмір сүру үшін жаралғансыз
Сиз сағлам һайат кәчүрүшкә яритилдиңиз
سىز ساغلام
Су
Бәдинимизниң тәхминән 60 поценти судин тәркиб тапқанлиғини биләмсиз? Қенимиздин мейимизгичә, һәтта сүйәкимизгичә, һәммә йәрдә су бар. Бәдинимиз суни бир қатар җәрйанлар үчүн, мәсилән, қалдуқ маддиларни чиқириветиш, совутуш вә һәтта нәпәс елиш үчүн ишлитиду. Көрүватқинимиздәк, су ичиш муһим. Әгәр қанчилик су ичишиңиз керәклигини билмәкчи болсиңиз яки бәдиниңизниң суни қандақ ишлитиши тоғрисида техиму көп билмәкчи болсиңиз, төвәндики «техиму көп үгүниш» кнопкисини бесниң.
Актив болуш
Бәдинимиз һәрикәтлинишкә вә бәзи аҗайип ишларни бир тәрәп қилишқа мас келидиған қилип яратилған! Даим чиниқишниң йоллирини тепиш қийин болуши мумкин, әмма у аддий вә қизиқарлиқ болуши керәк. Даим чиниқиш бизниң һайатимизниң башқа саһалиридә техиму яхши ишлишимизгә йардәм бериду. Бәдинимизни қанчә көп ишләтсәк, күндилик ишларни шунчә көп қилип, чоң бесимларни бир тәрәп қилалаймиз. Пәқәт пийадә меңишқа вақтиңиз болсун йаки бир саат еғирлиқ көтүрүшкә вақтиңиз болсун, күндә азрақ һәрикәт қилиш арқилиқ қандақ қилип сағлам адәм болалайдиғанлиғиңиз тоғрисида толуқ мәлумат елиш үчүн төвәндики кнопкини бесиң.
Ғалибә
Зийанлиқ адәтләр вә хумарлиқларға қарши ғәлибә
Cиз қандақла бир начар адәтләр билән күрәш қиливатамсиз? Бәлким сиз иҗтимаий таратқуларни чәксиз көрүп олтурисиз яки бесимға учриғанда тамака чекисиз. Бәлким сиз бәк көп татлиқ йемәкликләрни йәйсиз яки кичик нәрсиләр тоғрисида артуқчә ойлайсиз. Бәзи адәтләр мувапиқ миқдарда зийанлиқ әмәс, йәнә бәзилири һәмишә зийанлиқ. Зийанлиқ адәтләрни қандақ йоқитиш вә һаяттики кичик хушаллиқларға вақит чиқириш үчүн қандақ тәдбир қоллинишни билиш үчүн төвәндики кнопкини бесиң.
Лайик болуш
Өзигә болған қиммәт қариши бизниң бәхт-саадитимизниң һәр бир тәрипигә тәсир көрситиду һәмдә сағлам, разимәнлик һайат кәчүрүшниң асаси. Бу бизниң роһий сағламлиғимиз, башқилар билән мунасивәтлиримизниң сүпити, һәтта җисманий сағламлиғимиз үчүн муһим. Өзимизниң лайиқи болушни өстүрүш бизниң техиму ишәнч, чидамчанлиқ вә чоңқур мәқсәт туйғуси билән һайатни баштин кәчүрүшимизгә ярдәм бериду. Техиму көп учурға еришиш үчүн төвәндики кнопкини бесиң.
Арам елиш
Бәлким сиз ухлашни йахши көрисиз - яки бәлким кечиси ухлашқа мәҗбур болғанлиғиңиз үчүнла ухлап қалисиз. Қандақла болмисун, мувапиқ арам елиш муһим. Яхши бир кечә уйқуси бәдинимизниң өзини әслигә кәлтүрүши вә әслигә келишигә вақит бериду, мейимизниң учурларни бир тәрәп қилиши вә сақлишиға йол қойиду, һәмдә күндүздики турақлиқ стимуляциядин қутулуш үчүн зөрүр болған арам елиш билән тәминләйду. Бәзидә алдираш вақит җәдвилимиздә арам елишқа вақит тапқили болмайду. Шундақтиму, җисманий арам елиш бәдинимизниң нормал ишлиши үчүн лазим болған бир қанчә хил арам елишниң пәқәт бири. Сағлам идийәни баштин кәчүрүш вә җисманий сағламлиғимизни яхшилашқа ярдәм беридиған турмуш адитимизни турмуш усулимизға киргүзүшниң нурғун усуллири бар. Арам елишниң пайдилири һәққидә техиму көп мәлумат елиш үчүн төвәндики кнопкини бесиң.
Муһит яритиш
Бәзидә биз немә қилишимиз керәклигини, һәтта қандақ қилишимиз керәклигини билидиған әһвалларға дуч келимиз, әмма биз туруватқан муһит бизни өсүшниң орниға раһәт районимизда турушқа үндәйду. Биз адитимизни яки турмуш усулимизни яхши тәрәпкә өзгәртиш мумкин әмәс дәп ойлишимиз мумкин. Кичик көчәтниң өсүши вә гүллиниши үчүн барлиқ мувапиқ муһит амиллириға еһтийаҗлиқ болғиниға охшаш, биз һәқиқий өсүшни баштин кәчүрүш үчүнму мувапиқ муһитқа еһтийаҗлиқ. Булар көпинчә бизниң актив болушимиз керәк болған кичик ишлар, мәсилән, яшаш муһитимизни яритиш вә қоғдаш, әтрапимизни пакиз тутуш қатарлиқлар. Өзиңиз һәққидики ой-пикирлириңизни өзгәртишиңиз яки өйиңизни тазилашиңиз керәк болсун, муһитиңизниң сизгә қандақ тәсир көрситидиғанлиғини вә өзиңизниңкини қандақ яхшилалайдиғанлиғиңизни билиш үчүн төвәндики кнопкини бесиң.
Һава
Карбонат гази аз болған, кислородқа мол болған таза һавадин чоғқур нәпәс елишқа тәң келидиған нәрсә йоқ. Кислород рак кесилиниң пәйда болушидики муһим амил болған әркин радикалларға қарши туруш үчүн бәдинимиздики клеткиларни күчәйтиду. Пәқәт нәпәс елиш усулила әмәс, бәлки қандақ нәпәс елишиңизниңму муһим екәнлигини биләмсиз? Нәпәс елиш техникисиниң һессийатларни тәңшәшкә ярдәм беридиғанлиғини аңлиғанму? Таза һава вә тоғра нәпәс елишниң пайдилири һәққидә техиму көп учурға еришиш үчүн, төвәндикини кнопкини бесиң.Learn how to have victory over all that is harmful and practice moderation in all that is good.
Аптап
Сизму нурғун кишиләргә охшаш қуяш нурини хошаллиқ билән бағлайдиған болушиңиз мумкин. Иллиқ қуйаш нури әмәлийәттә бәдинимиздә “хошаллиқ гормони” серотонинниң ишләпчиқирилишидики муһим тәркиб. Қуйашниң иллиқ нуриға чилиниш қан бесимини бир нәччә минут ичидә төвәнлитишкә йардәм бериду, көзимиз арқилиқ васитилик тәсир көрситиш болса мийә иқтидариниң һәр хил иқтидарлирини қоллайду. Қуйаш нури илми һәққидә техиму көп мәлуматқа еришмәкчи болсиңиз, төвәндики кнопкини бесиң!
Йемәк-ичмәк
Сиздә Германийәдин импорт қилинған қиммәт баһалиқ йеңи, парқирақ бир тәнһәрикәт машиниси барлиғини тәсәввур қилип беқиң. Уни қандақ асрайсиз? Униң раван ишлиши үчүн қолиңиздин келишичә тиришисиз! Һәр күни һәр бир минутта, бәдинимиздә миңлиған җәрйанлар йүз бериду. Бу иқтидарларниң һәммиси күн бойи истемал қилидиған йемәклик вә ичимликләрдин кәлгән озуқлуқ маддилар билән тәминлиниду. Төвән дәриҗилик йеқилғу қиммәтлик тәнһәрикәт машинисиниң маторини бузувәткәндәк, бәдинимизму нормал ишлиши үчүн йуқири сүпәтлик “йеқилғу” ға моһтаҗ. Йемәк-ичмәкни қандақ яхшилаш тоғрисида техиму көп мәлумат елиш үчүн төвәндики кнопкини бесиң.
Арман қилиш
Һазир немә үчүн яшаватисиз? Бәш жилдин кейин өзиңизни қәйәрдә көрисиз? Үмид вә арзу-арманларға егә болуш бизниң алға илгирилишимиз вә йеңи нәрсиләрни үгинишимизниң муһим усуллири. Башқа һүнәр үгиниш, йеңи бир һәвәс билән шуғуллиниш яки турмуш адитимизни өзгәртиш үчүн нишан қойуш бизгә тиришишқа болидиған нәрсә бериду һәмдә күндилик турмуш вә тохтап қелиштин сақлинишимизға ярдәм бериду. Нишанлиримизни тамамлиғанда вә арзулиримизниң реаллиққа айлиниватқанлиғини көргәндә, ишәнчимиз ашиду вә давамлиқ алға илгириләшкә җасарәт бериду. Әмәлгә ашурғили болидиған нишанларни бекитиш тоғрисида техиму көп мәлуматқа еришиш үчүн, төвәндикини кнопкини бесиң.
Таяниш вә ишәнч
Ишәнч, үмүт вә өзигә болған қиммәт қаришини йетилдүрүштә муһим. Өзиңиздин улуқ нәрсигә ишинип таянсиңиз, у илһам вә һәрикәтләндүргүч күч билән тәминләп, роһий вә һессийат җәһәттики сағламлиғиңизға тәсир көрситиду. Күндилик қийинчилиқларға яки турмуштики қийин пәйтләргә дуч келиш еғир туйулиду, амма ишинип тайинидиған нәрсиңиз яки бирәйлән болса, йәни вәзийәттин ташқири мәхсәт вә ишәнч туйғуси беридиған нәрсә болғанда, давамлиқ алға илгириләш үчүн күч тапқини болиду. Ишәнч вә тайинишни қандақ әмәлийәткә айландурушни билмәкчи болсиңиз, төвәндикини кнопкини бесиң.